நான் சதம் பதிவு செய்தால் பிராட்மேனுடன் வங்கதேச மக்கள் என்னை ஒப்பிடுகிறார்கள் - முஷ்பிகுர் ரஹிம்

சிட்டகாங்: "நான் சதம் பதிவு செய்தால் பிராட்மேனுடன் வங்கதேச மக்கள் என்னை ஒப்பிடுகிறார்கள்" என தெரிவித்துள்ளார் வங்கதேச கிரிக்கெட் வீரர் முஷ்பிகுர் ரஹிம்.

கடந்த 2005 முதல் வங்கதேச அணிக்காக சர்வதேச களத்தில் கிரிக்கெட் விளையாடி வருகிறார் விக்கெட் கீப்பர் பேட்ஸ்மேனான முஷ்பிகுர் ரஹிம். 35 வயதான அவர் இதுவரையில் மொத்தம் 81 டெஸ்ட், 233 ஒருநாள் மற்றும் 100 டி20 போட்டிகளில் விளையாடி உள்ளார் அவர். டெஸ்ட் கிரிக்கெட்டில் மொத்தம் 5037 ரன்களை பதிவு செய்துள்ளார். வங்கதேச அணிக்காக டெஸ்ட் கிரிக்கெட்டில் 5000 ரன்களை கடந்த முதல் பேட்ஸ்ட்மேன் அவர் தான்.