சிக்ஸர் விளாசிய சச்சின்: பழைய நினைவுகளில் மூழ்கிய ரசிகர்கள்!

டேராடூன்: சாலைப் பாதுகாப்பு டி20 தொடரில் முன்னாள் இந்திய வீரர் சச்சின் டெண்டுல்கர் 20 பந்துகளில் 40 ரன்கள் எடுத்து அசத்தியிருந்தார். இந்த இன்னிங்ஸில் கிரீஸுக்கு வெளியே இறங்கி வந்து ஒரு சிக்ஸர் விளாசி இருந்தார். அது அவரது பழைய ஆட்டத்தை நினைவுப்படுத்தும் வகையில் அமைந்துள்ளது. அதனை ரசிகர்களும் கொண்டாடி வருகின்றனர்.

இந்தியாவில் சாலைப் பாதுகாப்பு டி20 தொடர் நடைபெற்று வருகிறது. இந்தியா லெஜெண்ட்ஸ் அணி உட்பட மொத்தம் 8 அணிகள் இந்த தொடரில் பங்கேற்று விளையாடி வருகின்றன. இதில் ஓய்வு பெற்ற சர்வதேச கிரிக்கெட் வீரர்கள் இதில் பங்கேற்று விளையாடி வருகின்றனர்.