மலேசிய நீச்சல் போட்டி: வேதாந்த் 5 தங்கம் வென்று அசத்தல்!

மும்பை: நடிகர் மாதவனின் மகன் வேதாந்த், மலேசியாவில் நடைபெற்ற நீச்சல் போட்டியில் 5 தங்கப் பதக்கங்கள் வென்று நாட்டுக்கு பெருமை சேர்த்துள்ளார்.

மலேசிய தலைநகர் கோலாலம்பூரில் மலேசியன் இன்விடேஷனல் சாம்பியன்ஷிப் நீச்சல் போட்டி நடைபெற்றது. கடந்த 13ம் தேதி முதல் 16ம் தேதி வரை நடைபெற்ற இந்த தொடரில் பல்வேறு வயதினருக்கான பிரிவுகளில் போட்டிகள் நடத்தப்பட்டன. இதில் நடிகர் மாதவனின் மகனான வேதாந்த் 50 மீட்டர், 100 மீட்டர், 200 மீட்டர், 400 மீட்டர் மற்றும் 1500 மீட்டர் போட்டிகளில் தங்கப் பதக்கம் வென்றார்.