சென்னை: நடப்பு ஐபிஎல் சீசனில் சென்னை சூப்பர் கிங்ஸ் அணி வீரர்கள் காயம் எனும் கருமேகத்தின் வலையில் சிக்கி தவித்து வருகின்றனர். ஜேமிசன், முகேஷ் சவுத்ரி, மகாலா, தீபக் சாஹர், சிமர்ஜித், ஸ்டோக்ஸ் என வரிசையாக காயப் பட்டியலில் ஒருவர் பின் ஒருவராக இணைந்து வருகின்றனர். இதில் சிலர் சீசன் முழுவதும், சிலர் சில ஆட்டங்களையும் மிஸ் செய்துள்ளனர்.
இந்த சூழலில் சிஎஸ்கே அணித்தலைவர் தோனிக்கு முழங்காலில் காயம் ஏற்பட்டுள்ளது எனத் தெரிகிறது. இது குறித்து சென்னை அணியின் தலைமை பயிற்சியாளர் ஸ்டீபன் ஃபிளெமிங் பகிர்ந்துள்ளார். குஜராத் அணிக்கு எதிரான முதல் போட்டியை தோனி மிஸ் செய்வார் என சொல்லப்பட்டது. இருந்தும் அந்தப் போட்டியில் தோனி விளையாடி இருந்தார் என்பது குறிப்பிடத்தக்கது.
0 கருத்துகள்