சென்னை: நடப்பு ஐபிஎல் சீசனின் 65-வது லீக் போட்டியில் சன்ரைசர்ஸ் ஹைதராபாத் அணிக்கு எதிராக சதம் விளாசி அசத்தி இருந்தார் ராயல் சேலஞ்சர்ஸ் பெங்களூரு வீரர் விராட் கோலி. இது ஐபிஎல் அரங்கில் அவர் பதிவு செய்யும் ஆறாவது சதமாகும். இதன் மூலம் ஐபிஎல் கிரிக்கெட்டில் அதிக சதம் பதிவு செய்திருந்த கிறிஸ் கெயிலின் சாதனையை அவர் சமன் செய்துள்ளார். கெயிலும் ஐபிஎல் கிரிக்கெட்டில் ஆறு சதங்களை பதிவு செய்துள்ளார்.
விராட் கோலி விளையாடினாலே அந்தப் போட்டியில் அவர் தகர்க்க உள்ள அல்லது சமன் செய்ய உள்ள சாதனைகளை போட்டியை ஒளிபரப்பும் நிறுவனங்கள் பட்டியலிடும். அந்த அளவுக்கு பல சாதனைகளை தன் வசம் வைத்துள்ளார் கோலி. இது சர்வதேச கிரிக்கெட் முதல் ஐபிஎல் வரை நீள்கிறது.
0 கருத்துகள்