ம.இ.தவகள சறறபபயணம |இநதய டஸட அணயல பஜர நககம -ஜயஸவல கயகவட மகஷ கமரகக வயபப

புதுடெல்லி: மேற்கு இந்தியத் தீவுகள் சுற்றுப்பயணத்துக்கான இந்திய அணி அறிவிக்கப்பட்டுள்ளது. இதில் டெஸ்ட் தொடருக்கான அணியில் சீனியர் பேட்ஸ்மேன் சேதேஷ்வர் புஜாரா, வேகப்பந்து வீச்சாளர் உமேஷ் யாதவ் ஆகியோர் நீக்கப்பட்டுள்ளனர். அதே வேளையில் இளம் வீரர்களான யஷஸ்வி ஜெய்ஸ்வால், ருதுராஜ் கெய்க்வாட், முகேஷ்
குமார் ஆகியோருக்கு வாய்ப்பு வழங்கப்பட்டுள்ளது.

இந்திய கிரிக்கெட் அணி அடுத்த மாத தொடக்கத்தில் மேற்கிந்தியத் தீவுகளுக்கு சுற்றுப்பயணம் செய்து 2 டெஸ்ட், 3 ஒருநாள் கிரிக்கெட் போட்டி, 5 டி 20 ஆட்டங்கள் கொண்ட தொடரில் விளையாடுகிறது. இதில் டெஸ்ட், ஒருநாள் கிரிக்கெட் போட்டி தொடருக்கான இந்திய அணியை நேற்று பிசிசிஐ அறிவித்தது. 16 பேர் கொண்ட டெஸ்ட் அணிக்கு ரோஹித் சர்மா கேப்டனாக தொடர்கிறார். துணை கேப்டனாக அஜிங்க்ய ரஹானே மீண்டும் நியமிக்கப்பட்டுள்ளார். சீனியர் பேட்ஸ்மேனான சேதேஷ்வர் புஜாரா, வேகப்பந்து வீச்சாளர் உமேஷ் யாதவ் ஆகியோர் நீக்கப்பட்டுள்ளனர். முன்னணி வேகப்பந்து வீச்சாளரான மொகமது ஷமிக்கு ஓய்வு கொடுக்கப்பட்டுள்ளது. இதில் புஜாரா கடந்த 3 ஆண்டுகளாக சிறந்த திறனை வெளிப்படுத்தவில்லை என்பது குறிப்பிடத்தக்கது.