பசாகா: மணிக்கு 565 கிலோ மீட்டர் வேகத்தில் பந்தை அடித்து கின்னஸ் உலக சாதனை படைத்துள்ளார் இந்திய பேட்மிண்டன் நட்சத்திர வீரர் சாட்விக் சாய்ராஜ் ராங்கி ரெட்டி.
பேட்மிண்டனில் அதிவேகமோக பந்தை அடிக்கும் (ஸ்மோஷ்) கின்னஸ் உலக சாதனை முயற்சி கடந்த ஏப்ரல் 14-ம் தேதி அன்று மேற்கொள்ளப்பட்டது. இந்த நிகழ்ச்சி ஜப்பானின் சோகாவில் உள்ள யோனெக்ஸ் தொழிற்சாலை உடற்பயிற்சி கூடத்தில் கட்டுப்படுத்தப்பட்ட சூழலில் நடத்தப்பட்டது. இதில் பேட்மிண்டன் நட்சத்திர வீரர் சாட்விக் சாய்ராஜ் ராங்கி ரெட்டி, மணிக்கு 565 கிலோ மீட்டர் வேகத்தில் பந்தை அடித்து கின்னஸ் சாதனை படைத்தார். இது வேக அளவீட்டு முடிவுகளின அடிப்படையில் கின்னஸ் உலக சாதனை அமைப்பின் அதிகாரப்பூர்வ நீதிபதிகளால் சரிபார்க்கப்பட்டது.
0 கருத்துகள்