டெக்சாஸ்: நடப்பு மேஜர் லீக் கிரிக்கெட் சீசனில் எம்ஐ நியூயார்க் அணியை 17 ரன்கள் வித்தியாசத்தில் வீழ்த்தி உள்ளது டூப்ளசி தலைமையிலான டெக்சாஸ் சூப்பர் கிங்ஸ் அணி.
மேஜர் லீக் கிரிக்கெட் 2023 சீசனில் லாஸ் ஏஞ்சல்ஸ் நைட் ரைடர்ஸ், டெக்சாஸ் சூப்பர் கிங்ஸ் , மும்பை இந்தியன்ஸ் (எம்ஐ) நியூயார்க், சான் பிரான்சிஸ்கோ யூனிகார்ன்ஸ், வாஷிங்டன் ஃப்ரீடம், சியாட்டில் ஓர்காஸ் என ஆறு அணிகள் இதில் பங்கேற்றுள்ளன. கிட்டத்தட்ட இந்தியாவின் ஐபிஎல் போல அமெரிக்க நாட்டில் நடத்தப்படும் ஃப்ரான்சைஸ் கிரிக்கெட் தொடர் இது. அமெரிக்கா, ஆஸ்திரேலியா, தென்னாப்பிரிக்கா, நியூஸிலாந்து, மேற்கிந்தியத் தீவுகள் போன்ற நாடுகளை சேர்ந்த வீரர்கள் இதில் பங்கேற்று விளையாடி வருகின்றனர்.
0 கருத்துகள்