அல்டிமேட் கோ கோ இன்று தொடக்கம்

புவனேஷ்வர்: அல்டிமேட் கோ கோ சீசன் 2 ஒடிசா மாநிலம் கட்டாக்கில் இன்று தொடங்குகிறது. வரும் ஜனவரி 13-ம் தேதி வரை நடைபெறும் இந்த தொடரில் நடப்பு சாம்பியன் ஒடிசா ஜாகர்நட்ஸ், தெலுங்கு யோதாஸ், சென்னை குயிக் கன்ஸ், குஜராத் ஜெயண்ட்ஸ், மும்பை கில்லாடிஸ், ராஜஸ்தான் வாரியர்ஸ் ஆகிய 6 அணிகள் கலந்து கொள்கின்றன.

தொடக்க நாளான இன்று இரவு 7 மணிக்கு நடைபெறும் முதல் ஆட்டத்தில் நடப்பு சாம்பியன் ஒடிசா ஜாகர்நட்ஸ் - ராஜஸ்தான் வாரியர்ஸ் அணிகள் மோதுகின்றன. தொடர்ந்து 8.30 மணிக்கு நடைபெறும் 2-வது ஆட்டத்தில் தெலுகு யோதாஸ் - மும்பை கில்லாடிஸ் அணிகள் பலப்பரீட்சை நடத்துகின்றன. சென்னை குயிக் கன்ஸ் தனது முதல் ஆட்டத்தில் நாளை (25-ம் தேதி) தெலுகு யோதாஸ் அணியுடன் மோதுகிறது. இந்த ஆட்டம் இரவு 8.30 மணிக்கு நடைபெறுகிறது.