இணைய உலகின் மிகப்பெரிய தேடு பொறி எது என்பதற்கான பதில் எல்லோருக்கும் தெரிந்ததுதான். அது, ‘கூகுள்’. சரி, இரண்டாவது பெரிய தேடு பொறி எது எனத் தெரியுமா? இந்தக் கேள்விக்கான பதில் உங்களுக்கு ஆச்சரியத்தை அளிக்கலாம். ஏனெனில், கூகுளுக்கு அடுத்தபடியாக அதிகம் பயன்படுத்தும் தேடு பொறியாக இருப்பது ‘யூடியூப்’ என்று சொல்லப்படுகிறது.
மைக்ரோசாஃப்டின் ‘பிங்’ அல்லது தனியுரிமை காக்கும் ‘டக்டக்கோ’ போன்றவற்றைப் பின்னுக்குத்தள்ளி ‘யூடியூப்’ இரண்டாம் இடம் பிடித்திருக்கிறது. அதே நேரம், அமெரிக்கா உள்ளிட்ட மேலை நாடுகளில், இளம் தலைமுறையினர் கூகுளில் தேடுவதைவிட, ‘டிக்டாக்’ சேவையில் ஒரு விஷயத்தைத் தேடுவதை வழக்கமாக கொண்டுள்ளதாகக் கூறப்படுகிறது. ‘ஜூமர்ஸ்’ எனச் சொல்லப்படும் புத்தாயிரமாண்டு தலைமுறைக்கு அடுத்து வரும் தலைமுறையினரும் ‘டிக்டாக்’ தளத்தைத் தேடு பொறியாகப் பயன்படுத்தி வருவதாக அண்மையில் செய்திகள் வெளியாகின.
0 கருத்துகள்