‘என்ன சொல்வது என்றே தெரியலை!’ - கம்மின்ஸ் பந்தில் சிக்ஸ் விளாசிய ரிஷப் பண்ட் குறித்து லெஜண்ட்கள்

பெர்த் டெஸ்ட் போட்டியின் முதல் நாள் ஆட்டத்தில் பாட் கம்மின்ஸ் பந்தை ஸ்கொயர் லெக் திசையில் ரிஷப் பண்ட் அடித்த டி20 ரக சிக்ஸர் கிரிக்கெட் ஜாம்பவான்களுக்கு ஆச்சரிய அதிர்ச்சி கொடுத்தது.

இந்திய அணி அப்போது 6 விக்கெட்டுகள் இழப்புக்கு 114 ரன்கள் என்று இருந்தது. நேற்று கம்மின்ஸ் பந்து வீச்சும் சரியாக அமையவில்லை. அவர் அதிக ரன்களை விட்டுக் கொடுத்துக் கொண்டிருந்தார். அப்போது ரிஷப் பண்ட் அனைத்து எதிர்பார்ப்புகளையும் உடைக்கும் விதமாக ஆஃப் ஸ்டம்ப் பக்கம் நகர்ந்து வந்து கம்மின்ஸின் ஆஃப் வாலி பந்தை ஸ்கொயர் லெக் மேல் அப்படியே பிளிக் செய்தார். அங்கு ஷார்ட் பவுண்டரி, பந்து சிக்ஸ்.