டெ ஸ்ட் கிரிக்கெட் போட்டிகளில் 800 விக்கெட்களை வீழ்த்தி, யாராலும் எட்டிப் பிடிக்க முடியாத சாதனையைப் படைத்த சுழற்பந்து வீச்சாளர் முத்தையா முரளிதரனின் பிறந்தநாள் இன்று (ஏப்ரல் 17). இன்றைய தினம் அவரைப் பற்றிய சில முக்கிய விஷயங்களைத் தெரிந்துகொள்வோம்:
1972-ம் ஆண்டில் கண்டியில் உள்ள தமிழ்க் குடும்பத்தில் முத்தையா முரளிதரன் பிறந்தார். அவரது அப்பா சின்னசாமி முத்தையா, கண்டியில் பிஸ்கெட் தயாரிப்பு நிறுவனத்தை வைத்திருந்தார். கண்டியில் உள்ள செயின்ட் ஆன்டனீஸ் கல்லூரியில்தான் முரளிதரன் படித்தார். முன்னதாக பள்ளியில் படிக்கும் காலத்தில் அவர் ஒரு மிதவேக பந்துவீச்சாளராகவும், பேட்ஸ்மேனாகவும்தான் இருந்துள்ளார். பின்னர் அவரது இளம் வயது பயிற்சியாளரான சுனில் பெர்னாண்டோ என்பவர்தான் அவரை சுழற்பந்து வீச்சில் பயிற்சி எடுக்குமாறு கூறி மடைமாற்றி விட்டுள்ளார். பள்ளியில் படித்த காலத்தில் ரக்பி விளையாட்டு வீரராகவும் முரளிதரன் இருந்துள்ளார்.
from இந்து தமிழ் திசை : News in Tamil, Latest Tamil News India & World, Cinema, Hindu Tamil Thisai Daily Newspaper Online: தமிழால் இணைவோம்
0 கருத்துகள்