இலங்கை அணிக்கு எதிரான பகலிரவு டெஸ்ட் போட்டியில் இந்திய அணி முதல் இன்னிங்ஸில் 252 ரன்களுக்கு ஆட்டமிழந்தது. தொடர்ந்து பேட் செய்த இலங்கை அணி 86 ரன்களுக்கு 6 விக்கெட்களை இழந்தது.
இந்தியா - இலங்கை அணிகள் இடையிலான 2-வது டெஸ்ட்போட்டி பகலிரவாக பெங்களூரு சின்னசாமி கிரிக்கெட் மைதானத்தில் நேற்று தொடங்கியது. முதலில் பேட் செய்த இந்திய அணி 59.1 ஓவரில் 252 ரன்களுக்கு ஆட்டமிழந்தது. அதிகபட்சமாக ஸ்ரேயஸ் ஐயர் 98 பந்துகளில், 4 சிக்ஸர்கள், 10 பவுண்டரிகளுடன் 92 ரன்கள் விளாசினார். ரிஷப் பந்த் 39, ஹனுமா விகாரி 31, விராட் கோலி 23, ரோஹித் சர்மா 15, மயங்க் அகர்வால் 4, ஜடேஜா 4, அஸ்வின் 13, அக்சர் படேல் 9, மொகமது ஷமி 5 ரன்களில் ஆட்டமிழந்தனர்.
0 கருத்துகள்