இந்தியா - இலங்கை மோதும் பகலிரவு டெஸ்ட் இன்று தொடக்கம்: பெங்களூரு சின்னசாமி மைதானத்தில் நடக்கிறது

பெங்களூரு: இந்தியா - இலங்கை அணிகள் இடையிலான பகலிரவு டெஸ்ட் கிரிக்கெட் போட்டி பெங்களூரு வில் உள்ள சின்னசாமி மைதானத்தில் இன்று பிற்பகலில் தொடங்குகிறது.

இரு அணிகள் இடையிலான 2 டெஸ்ட் போட்டிகள் கொண்ட தொடரில் மொஹாலியில் நடைபெற்ற முதல் டெஸ்டில் இந்திய அணி இன்னிங்ஸ் மற்றும் 222 ரன்கள் வித்தியாசத்தில் வெற்றி கண்டிருந்தது. ரவீந்திர ஜடேஜா பேட்டிங்கில் 175 ரன்கள் விளாசினார். மேலும் பந்து வீச்சில் இரு இன்னிங்ஸிலும் சேர்த்து 9 விக்கெட்கள் வேட்டையாடி இருந்தார்.