இந்திய டெஸ்ட் தொடர் ஆஸ்திரேலியாவுக்கு சவாலாக இருக்கும் - கிளென் மெக்ராத் கருத்து

புதுடெல்லி: ஆஸ்திரேலிய கிரிக்கெட் அணி அடுத்த ஆண்டு பிப்ரவரி – மார்ச் மாதத்தில் இந்தியாவில் சுற்றுப்பயணம் செய்து டெஸ்ட் போட்டிகளில் விளையாட திட்டமிட்டுள்ளது. ஆஸ்திரேலிய அணி கடைசியாக 2004-ம் ஆண்டு இந்தியாவில் நடைபெற்ற டெஸ்ட் தொடரை 2-1 என வென்றிருந்தது. இதன் பின்னர் இதுவரை இந்திய மண்ணில் ஆஸ்திரேலிய அணியால் டெஸ்ட் தொடரை கைப்பற்ற முடியவில்லை.

இந்நிலையில் சமீபகாலமாக ஆஸ்திரேலிய அணி துணைக்கண்டங்களில் நடைபெறும் டெஸ்ட் போட்டிகளில் மேம்பட்ட திறனை வெளிப்படுத்தி வருகிறது. கடந்த மார்ச் மாதம் பாகிஸ்தானில் நடைபெற்ற டெஸ்ட் தொடரை 1-0 என ஆஸ்திரேலிய அணி கைப்பற்றியது. தொடர்ந்து கடந்த ஜூலை மாதம் இலங்கையில் நடைபெற்ற டெஸ்ட் தொடரை 1-1 என டிரா செய்தது. இந்நிலையில் ஆஸ்திரேலிய கிரிக்கெட் அணியின் முன்னாள் வேகப்பந்து வீச்சாளரான கிளென் மெக்ராத் கூறியதாவது: