சாம்பியன்ஸ் லீக் | அக்ரோபாட்டிக் பாணியில் கோல் போட்டு பிரமிக்க வைத்த ஹாலண்ட்

நடப்பு சாம்பியன்ஸ் லீக் தொடரில் அக்ரோபாட்டிக் பாணியில் காற்றில் அப்படியே பறந்து பந்தை வலைக்குள் தள்ளி பிரம்மிக்க வைத்துள்ளார் 22 வயதான கால்பந்தாட்ட வீரர் எர்லிங் ஹாலண்ட். அவர் நடப்பு சீசனில் மான்செஸ்டர் சிட்டி அணிக்காக விளையாடி வருகிறார். அவரது அபார கோல் பருஷியா டார்ட்மண்ட் அணிக்கு எதிரான போட்டியில் மான்செஸ்டர் அணி 2-1 என்ற கோல் கணக்கில் வெற்றி பெற செய்துள்ளது.

மான்செஸ்டர் நகரில் உள்ள எதிஹாட் மைதானத்தில் இந்தப் போட்டி நடைபெற்றது. இரு அணிகளும் குரூப் ‘ஜி’-ல் இடம்பெற்றுள்ளன. இந்தப் போட்டி தொடங்கியது முதல் சுமார் 80 நிமிடங்கள் வரை டார்ட்மண்ட் அணி 1-0 என்ற கோல் கணக்கில் முன்னிலை வகித்தது. ஆனால், கடைசி 10 நிமிடத்தில் லாவகமாக கோல் பதிவு செய்து ஆட்டத்தையும் வென்றது மான்செஸ்டர் சிட்டி.