அமெரிக்க ஓபன் | நான்காவது சுற்றில் நடாலை வீழ்த்தினார் ப்ரான்சைஸ் டைஃபோ

நடப்பு அமெரிக்க ஓபன் டென்னிஸ் தொடரில் ஆடவர் ஒற்றையர் பிரிவில் ரவுண்ட் ஆப் 16 சுற்றில் நடாலை வீழ்த்தியுள்ளார் 24 வயதான அமெரிக்க வீரர் ப்ரான்சைஸ் டைஃபோ(Frances Tiafoe). அதன் மூலம் அவர் இப்போது காலிறுதி சுற்றுக்கு முன்னேறியுள்ளார்.

இந்த போட்டி மொத்தம் நான்கு செட்களாக நடைபெற்றது. அதில் 6-4, 4-6, 6-4, 6-3 என முதல் மற்றும் கடைசி இரண்டு செட்களை வென்றார் டைஃபோ. கிராண்ட்ஸ்லாம் மேஜர் தொடரில் நடாலை வீழ்த்திய மூன்றாவது அமெரிக்கர் என்ற சாதனையை அவர் படைத்துள்ளார். மிகவும் நிதானத்துடன் அவர் கடைசி இரண்டு செட்களை வென்றிருந்தார்.