டி20 கிரிக்கெட்டின் மூலம் பார்வையாளர்களுக்குக் கிடைத்த அரும்பெரும் அனுபவம் என்னவெனில், இதுவரை பார்த்திராத புதிய புதிய ஷாட்களை வீரர்கள் ஆடுவதுதான். அதில் 360 டிகிரி வீரர் என்று சுழன்று சுழன்று அடிக்கும் ஏ.பி.டிவில்லியர்ஸ் நம்பர் 1 என்றால், இப்போது ரசிகர்களுக்கு அத்தகைய விருந்தை அளித்து வருபவர் சூரியகுமார் யாதவ் என்றால் மிகையாகாது.
சூரியகுமார் யாதவ் சமீபத்தில் இங்கிலாந்துக்கு எதிராக நடந்த டி20 தொடரில் கடைசி போட்டியில் அடித்த சதம் இதற்கு முதல் சான்று. அந்தப் போட்டியில் இருபுறமும் ஸ்கொயர் ஆஃப் த விக்கெட்டில் அவர் படித்த பவுண்டரிகள் அற்புதத்திலும் அற்புத அனுபவம். ஆஃப் ஸ்டம்புக்கு வெளியே வரும் பந்தை மரபான ட்ரைவ் அல்லது தூக்கி அடித்தல் செய்தால் அவுட் ஆக வாய்ப்பு; ஆனால் பந்தை நெருக்கமாகப் பார்த்து அதை அப்படியே ஒரு கிளறிக் கிளறி, கிண்டிவிட்டு தூக்கி விடுகிறார் பாருங்கள்... அது உண்மையில் பெரிய கற்பனை வளமான ஷாட் ஆகும்.
0 கருத்துகள்