ராஜீவ்காந்தி மைதானத்தில் இன்று மோதல்: ராஜஸ்தானுக்கு முட்டுக்கட்டை போடுமா ஹைதராபாத்?

ஹைதராபாத்: ஐபிஎல் டி20 கிரிக்கெட் தொடரில் இன்று இரவு 7.30 மணிக்கு ஹைதராபாத்தில் உள்ள ராஜீவ்காந்தி சர்வதேச மைதானத்தில் நடைபெறும் ஆட்டத்தில் சன்ரைசர்ஸ் ஹைதராபாத் - ராஜஸ்தான் ராயல்ஸ் அணிகள் மோதுகின்றன.

பாட் கம்மின்ஸ் தலைமையிலான சன்ரைசர்ஸ் ஹைதராபாத் அணியானது புள்ளிகள் பட்டியலில் 3-வது இடத்தில் இருந்த நிலையில் தனது கடைசி இரு ஆட்டங்களில் ராயல் சாலஞ்சர்ஸ் பெங்களூரு, சென்னை சூப்பர் கிங்ஸ் ஆகிய அணிகளிடம் அடைந்த தோல்வியால் 5-வது இடத்துக்கு தள்ளப்பட்டுள்ளது. 9 ஆட்டங்களில் விளையாடி உள்ள சன்ரைசர்ஸ் ஹைதராபாத் அணியானது 5 வெற்றி, 4 தோல்விகளுடன் 10 புள்ளிகளை பெற்றுள்ளது.