கத்தாரில் நடைபெற்று வரும் ஃபிஃபா உலகக் கோப்பைக் கால்பந்து தொடரில் செவ்வாய்க்கிழமை சவுதி அரேபியாவிடம் அர்ஜென்டினா அணி அடைந்த தோல்வி அதிர்ச்சியிலிருந்தே ரசிகர்கள் மீளாத நிலையில், நள்ளிரவு நடைபெற்ற பிரான்ஸ் - ஆஸ்திரேலியா ஆட்டத்தில் தொடக்கத்திலேயே ஆஸ்திரேலியாவின் கிரெய்க் குட்வின் அபார கோலை அடித்து 1-0 என்று முன்னிலை பெற்று இன்னொரு அதிர்ச்சி எதிர்பார்ப்பை ஏற்படுத்தியது. ஆனால், கடைசியில் உலக சாம்பியன்கள் புத்தெழுச்சி பெற்று 4 கோல்களை திணிக்க, ஆஸ்திரேலியா தோல்வி அடைந்தது.
2010 உலகக் கோப்பைக்குப் பிறகு ஒரு வெற்றியைக் கூட உலகக் கோப்பைகளில் ருசிக்காத ஆஸ்திரேலிய அணிக்கு செவ்வாய்க்கிழமை அபாரமாகத் தொடங்கியும், பின்னால் செய்த கடுமையான தவறுகளினால் இன்னொரு வெற்றி சாத்தியமில்லாமல் போனதோடு, பிரான்ஸ் போட்டு ஆஸ்திரேலியாவை மிதித்துவிட்டனர் என்றே கூறவேண்டும்.
0 கருத்துகள்