17 ஆண்டுகளுக்குப் பிறகு தென் ஆப்பிரிக்காவை சொந்த மண்ணில் வீழ்த்தி டெஸ்ட் தொடரை வென்ற ஆஸ்திரேலியா!

மெல்போர்ன்: 17 ஆண்டுகளுக்குப் பிறகு தங்கள் சொந்த மண்ணில் தென் ஆப்பிரிக்காவை வீழ்த்தி டெஸ்ட் தொடரைக் கைப்பற்றியது ஆஸ்திரேலிய கிரிக்கெட் அணி.

மெல்போர்ன் டெஸ்ட்டில் தென் ஆப்பிரிக்கா அணியை 2-வது இன்னிங்ஸிலும் சொற்பமாக 204 ரன்களில் சுருட்டி ஆஸ்திரேலியா 182 ரன்கள் வித்தியாசத்தில் மிகப்பெரிய இன்னிங்ஸ் வெற்றியைப் பெற்று 3 டெஸ்ட்கள் கொண்ட தொடரை 2-0 என்று கைப்பற்றியுள்ளது. இந்த தொடரில் இன்னும் ஒரு டெஸ்ட் மீதமுள்ளது. இந்த வெற்றி ஆஸ்திரேலிய மண்ணில் 2005-06ல் நடந்த டெஸ்ட் தொடரில் பெற்ற வெற்றிக்குப் பிறகு 17 ஆண்டுகள் கழித்து ஆஸ்திரேலியா, தென் ஆப்பிரிக்காவை தங்கள் சொந்த மண்ணில் வீழ்த்தி டெஸ்ட் தொடரைக் கைப்பற்றிய வரலாற்றுத் தருணமாகும்.