இந்தூர்: நடப்பு ரஞ்சிக் கோப்பை தொடரின் காலிறுதிப் போட்டியில் மணிக்கட்டு பகுதியில் எலும்பு முறிவு ஏற்பட்ட நிலையில் இடது கையால் பேட் செய்துள்ளார் ஆந்திரப் பிரதேச அணிக்காக விளையாடி வரும் ஹனுமா விஹாரி. அவரது அர்ப்பணிப்பு அனைவரையும் வெகுவாக கவர்ந்துள்ளது.
ஆந்திர அணி, இந்தூரில் மத்திய பிரதேச அணிக்கு எதிராக ரஞ்சிக் கோப்பை காலிறுதியில் விளையாடி வருகிறது. முதல் இன்னிங்ஸில் ஆந்திரா 379 ரன்கள் குவித்துள்ளது. இந்தப் போட்டி நேற்று துவங்கியது. விஹாரி, பேட் செய்த போது ஆவேஷ் கான் வீசிய பந்து அவரது மணிக்கட்டை தாக்கியது. அவர் வலியை பொறுத்துக் கொண்டு பேட் செய்ய முயன்றார்.
0 கருத்துகள்