டேரில் மிட்செல் சதம்! மேட் ஹென்றியின் ‘கபில் தேவ்’ ரக அதிரடியில் நியூஸி. முன்னிலை!

நியூஸிலாந்து - இலங்கை அணிகளுக்கு இடையிலான முதல் டெஸ்ட் போட்டியின் 3ம் நாளான இன்று நியூஸிலாந்து தன் முதல் இன்னிங்ஸில் 373 ரன்கள் குவித்து 18 ரன்கள் முன்னிலை பெற்றுள்ளது.

பவுலர் மேட் ஹென்றி 10 பவுண்டரிகள் 3 சிக்சர்களுடன் 75 பந்துகளில் 72 ரன்கள் விளாச ஆட்டத்தின் போக்கே மாறியது. இதோடு ஆட்ட முடிவில் இலங்கை அணி தன் 2வது இன்னிங்ஸில் 3 விக்கெட்டுகளை இழந்து 83 ரன்கள் எடுத்து திணறி வருகின்றது.