சென்னை சேப்பாக்கம் மைதானத்தில் இன்று சிஎஸ்கே - சன் ரைசர்ஸ் ஹைதராபாத் மோதல்!

சென்னை: ஐபிஎல் டி20 கிரிக்கெட் தொடரில் இன்று இரவு 7.30 மணிக்கு சென்னை சேப்பாக்கம் எம்.ஏ.சிதம்பரம் மைதானத்தில் நடைபெறும் ஆட்டத்தில் தோனி தலைமையிலான சென்னை சூப்பர் கிங்ஸ் (சிஎஸ்கே), எய்டன் மார்க்ரம் தலைமையிலான சன் ரைசர்ஸ் ஹைதராபாத்துடன் மோதுகிறது.

சிஎஸ்கே அணி 5 ஆட்டங்களில் விளையாடி 3 வெற்றி, 2 தோல்விகளுடன் 6 புள்ளிகள் பெற்று பட்டியலில் 3-வது இடத்தில் உள்ளது.கடைசியாக ராயல் சாலஞ்சர்ஸ் பெங்களூரு அணிக்கு எதிரான ஆட்டத்தில் 8 ரன்கள் வித்தியாசத்தில் வெற்றி கண்டிருந்தது. அதேவேளையில் சன் ரைசர்ஸ் ஹைதராபாத் 5 ஆட்டங்களில், 2 வெற்றி, 3 தோல்விகளுடன் 4 புள்ளிகள் பெற்று 10 அணிகள் பங்கேற்றுள்ள தொடரில் 9-வது இடத்தில் உள்ளது. ஹைதராபாத் தனது கடைசி ஆட்டத்தில் மும்பை அணியிடம் 14 ரன்கள் வித்தியாசத்தில் தோல்வி அடைந்த நிலையில் இன்றைய ஆட்டத்தை சந்திக்கிறது.