பிரையன் லாராவின் மாஸ்டர் ஸ்ட்ரோக் - ஹாரி புரூக்கை ஓப்பனிங் இறக்கிய அபார முடிவு!

நேற்று ஈடன் கார்டன்சில் நடைபெற்ற ஐபிஎல் 2023 டி20 தொடரின் 19-வது போட்டியில் சன் ரைசர்ஸ் ஹைதராபாத் கடைசியாக குகையிலிருந்து சிங்கத்தை வெளியே விட்டது. அந்தச் சிங்கம் வேறு யாருமல்ல இங்கிலாந்தின் நடப்பு பேட்டிங் நாயகன் எதிர்கால அனைத்து வடிவ கிரிக்கெட் சூப்பர் ஸ்டார் ஹாரி புரூக்தான். ஹாரி புரூக்கை ஓப்பனிங்கில் இறக்கும் முடிவை எடுத்தது சன் ரைசர்ஸ் ஹைதராபாத் தலைமை பயிற்சியாளர் பிரையன் லாரா. இது மாஸ்டர் ஸ்ட்ரோக்காக அமைந்தது.

முதல் 3 போட்டிகளில் 13, 3, 13 தான் இவரது ஸ்கோர். இங்கிலாந்திற்கு ஆடும்போது புலி வெளியே எலியா என்ற கேள்வி ரசிகர்களிடம் தோன்றத் தொடங்கிய போது, ஹாரி புரூக் டாப் ஆர்டரில் இறக்கப்பட்டார். இதனையடுத்தே அவரது உண்மையான ஆற்றல் முழுதுமாகப் பயன்படுத்திக் கொள்ளப்பட்டது. இந்த சீசனின் முதல் சதத்தை விளாசினார் புரூக். இது ஒரு புரூட்டல் இன்னிங்ஸ். 55 பந்துகளில் 12 பவுண்டரிகள் 3 சிக்சர்களுடன் இவர் தன் இரண்டாவது டி20 சதத்தை எடுத்தார்.