தனது பயோபிக்கில் வேண்டுமென்றே தன் அண்ணனை தவிர்த்தாரா தோனி?

ராஞ்சி: சிஎஸ்கே கேப்டன் தோனி தன்னுடைய பயோபிக் திரைப்படமான ‘எம்எஸ் தோனி: தி அன்டோல்ட் ஸ்டோரி’ படத்தில் தன் அண்ணனைப் பற்றிய தகவல்கள் இடம்பெறாமல் தவிர்த்து விட்டதாக நெட்டிசன்கள் விமர்சித்து வருகின்றனர்.

இந்திய கிரிக்கெட் அணியின் முன்னாள் கேப்டனும், சென்னை சூப்பர் கிங்ஸ் அணியின் தற்போதைய கேப்டனுமான தோனியின் வாழ்க்கையை அடிப்படையாகக் கொண்டு கடந்த 2016ஆம் ஆண்டு வெளியான படம் ‘எம்எஸ் தோனி: தி அன்டோல்ட் ஸ்டோரி’. மறைந்த நடிகர் சுஷாந்த சிங் நடிப்பில் நீரஜ் பாண்டே இயக்கிய இப்படம் வசூல் ரீதியாகவும், விமர்சன ரீதியாகவும் பெரும் வெற்றி பெற்றது. இப்படத்தில் தோனிக்கு ஒரு அக்கா மட்டும் இருப்பதாக காட்டப்பட்டது. ஆனால் நிஜத்தில் தோனிக்கு ஒரு அண்ணனும் இருக்கிறார். தோனியை விட 10 வயது மூத்தவரான அவரது பெயர் நரேந்திர சிங் தோனி.