சென்னை: வரும் புதன்கிழமை இந்தியா மற்றும் ஆஸ்திரேலிய கிரிக்கெட் அணிகள் உலக டெஸ்ட் சாம்பியன்ஷிப் இறுதிப் போட்டியில் விளையாட உள்ளன. இந்தப் போட்டி இங்கிலாந்தின் லண்டனில் உள்ள ஓவல் கிரிக்கெட் மைதானத்தில் நடைபெற உள்ளது. இந்திய நேரப்படி இந்தப் போட்டி மதியம் 3 மணி அளவில் தொடங்கும் எனத் தெரிகிறது.
இந்திய கிரிக்கெட் அணி சர்வதேச கிரிக்கெட் கவுன்சில் (ஐசிசி) நடத்தும் தொடரை வென்று சுமார் 10 ஆண்டு காலம் ஆகியுள்ளது. இந்த இடைப்பட்ட காலத்தில் ஒருநாள் உலகக் கோப்பை, டி20 உலகக் கோப்பை என ஐசிசி நடத்தும் தொடர்களில் அரையிறுதி மற்றும் இறுதிப் போட்டி என விளையாடினாலும் சாம்பியன் பட்டம் வெல்ல தவறியுள்ளது. இந்த சூழலில் இந்த முறை இந்திய அணி ஐசிசி நடத்தும் இந்தப் போட்டியை வெல்லும் என்றே ரசிகர்கள் எதிர்பார்த்துள்ளனர்.
0 கருத்துகள்