“அவரது நிலையை எட்ட கடின உழைப்பு தேவை” - சூர்யகுமார் உடனான ஒப்பீடு குறித்து இளம் பாகிஸ்தான் வீரர்

கொழும்பு: இந்திய வீரர் சூர்யகுமார் யாதவ் மற்றும் முன்னாள் தென்னாப்பிரிக்க வீரர் டிவில்லியர்ஸ் உடன் ரசிகர்கள் தன்னை ஒப்பிடுவது குறித்து இளம் பாகிஸ்தான் வீரர் முகமது ஹாரிஸ் கருத்து தெரிவித்துள்ளார். தற்போது அவர் பாகிஸ்தான்-ஏ அணிக்காக ஏசிசி எமர்ஜிங் அணிகளுக்கான ஆசிய கோப்பை தொடரில் விளையாடி வருகிறார்.

கடந்த திங்கள்கிழமை அன்று ஐக்கிய அரபு அமீரக அணிக்கு எதிராக 46 பந்துகளில் 55 ரன்கள் சேர்த்திருந்தார். அவரது ஸ்ட்ரைக் ரேட் 119.56. அவர் பாகிஸ்தான் அணிக்காக சர்வதேச கிரிக்கெட் போட்டிகளில் விளையாடி உள்ளார்.