இஸ்லாமாபாத்: பாகிஸ்தான் கிரிக்கெட் அணியின் தலைமைத் தேர்வாளராக அந்த அணியின் முன்னாள் கேப்டன் இன்சமாம்-உல்-ஹக் நியமிக்கப்பட்டுள்ளார். இந்தப் பொறுப்பில் அவரை இரண்டாவது முறையாக நியமித்துள்ளது பாகிஸ்தான் கிரிக்கெட் வாரியம்.
53 வயதான இன்சமாம் இதற்கு முன்பு கடந்த 2016 முதல் 2019 வரையில் பாகிஸ்தான் அணியின் தலைமைத் தேர்வாளராக பணியாற்றி இருந்தார். கடந்த வாரம் தேர்வாளர் பொறுப்பு குறித்து அவர் பேசி இருந்த நிலையில் தற்போது தலைமைத் தேர்வாளராகி உள்ளார். இந்தப் பொறுப்பைக் கவனித்து வந்த ஹாரூன் ரஷீத் கடந்த மாதம் விலகியிருந்தார்.
0 கருத்துகள்