ஆசிய ஹாக்கி சாம்பியன்ஸ் டிராபி | தென் கொரியாவை வீழ்த்தி அரை இறுதிக்கு முன்னேறியது இந்தியா

சென்னை: ஆசிய ஹாக்கி சாம்பியன்ஸ் டிராபி தொடரில் இந்திய அணி, நடப்பு சாம்பியனான தென் கொரியாவை 3-2 என்ற கோல் கணக்கில் வீழ்த்தி அரை இறுதி சுற்றுக்கு முன்னேறியது.

7-வது ஆசிய ஹாக்கி சாம்பியன்ஸ் டிராபி தொடர் சென்னை எழும்பூரில் உள்ள மேயர் ராதாகிருஷ்ணன் மைதானத்தில் நடைபெற்று வருகிறது. இதில் தரவரிசையில் 4-வது இடத்தில் உள்ள இந்திய அணி நேற்று தனது 4-வது லீக் ஆட்டத்தில், நடப்பு சாம்பியனும் தரவரிசையில் 9-வது இடமும் வகிக்கும் தென்கொரியாவுடன் மோதியது.