புனே: நடப்பு உலகக் கோப்பை கிரிக்கெட் தொடரின் 30-வது போட்டியில் ஆப்கானிஸ்தான் மற்றும் இலங்கை அணிகள் விளையாடின. இந்தப் போட்டியில் 7 விக்கெட்கள் வித்தியாசத்தில் இலங்கையை வீழ்த்தி உள்ளது ஆப்கன். இதன் மூலம் இந்த தொடரில் மூன்றாவது வெற்றியை பதிவு செய்து புள்ளிகள் பட்டியலில் 5-வது இடத்தை பிடித்துள்ளது ஆப்கன்.
புனே நகரில் உள்ள மகாராஷ்டிரா கிரிக்கெட் சங்க மைதானத்தில் இந்தப் போட்டி நடைபெற்றது. இதில் டாஸ் வென்ற ஆப்கானிஸ்தான் அணி பவுலிங் தேர்வு செய்தது. இலங்கை அணி முதலில் பேட் செய்தது. அந்த அணி 49.3 ஓவர்களில் 241 ரன்கள் எடுத்து ஆல் அவுட் ஆனது. பதும் நிசங்கா 46 ரன்கள் எடுத்தார். குசால் மெண்டிஸ் 39 ரன்களும், சதீரா சமரவிக்ரமா 36 ரன்களும் எடுத்தனர். ஆப்கன் பவுலர் ஃபஸல்ஹக் ஃபரூக்கி, 10 ஓவர்களில் 34 ரன்கள் கொடுத்து 4 விக்கெட்களை வீழ்த்தி இருந்தார். இதில் ஒரு மெய்டன் ஓவரும் அடங்கும்.
0 கருத்துகள்