சென்னை: ஐசிசி ஒருநாள் கிரிக்கெட் உலகக் கோப்பைதொடரில் சென்னை சேப்பாக்கம் எம்.ஏ.சிதம்பரம் மைதானத்தில் இன்று பிற்பகல் 2 மணிக்கு நடைபெறும் லீக் ஆட்டத்தில் நியூஸிலாந்து - வங்கதேசம் அணிகள் மோதுகின்றன.
நியூஸிலாந்து அணி தனது முதல் ஆட்டத்தில் நடப்பு சாம்பியனான இங்கிலாந்து அணியை 9 விக்கெட்கள் வித்தியாசத்தில் வீழ்த்தியது. தொடர்ந்து 2-வது ஆட்டத்தில் 99 ரன்கள்வித்தியாசத்தில் நெதர்லாந்தை தோற்கடித்தது. காயம் காணரமாக முதல் இரு ஆட்டங்களிலும் பங்கேற்காத கேப்டன் கேன் வில்லியம்சன் முழு உடற்குதியை அடைந்துள்ளதை தொடர்ந்து இன்றைய ஆட்டத்தில் களமிறங்க உள்ளார். இதனால் நியூஸிலாந்து அணியின் பலம் மேலும் அதிகரிக்கக்கூடும். ஒருநாள் கிரிக்கெட் போட்டிகளில் வில்லியம்சன் கேப்டன்ஷிப்பில் சாதுர்யமாக செயல்படக்கூடியவர். அவர் ஒருநாள் போட்டிகளின் ஏற்ற, இறக்கங்களை அறிந்தவர்.
0 கருத்துகள்