சென்னை: கோவையில் நேற்று நடைபெற்ற கோலோ இந்தியா கூடைப்பந்து விளையாட்டில் மகளிருக்கான இறுதிப் போட்டியில் தமிழக அணி 70 - 66 என்ற புள்ளிகள் கணக்கில் பஞ்சாப்பை தோற்கடித்து தங்கப் பதக்கம் வென்றது. ஆடவர் பிரிவு இறுதிப் போட்டியில் தமிழ்நாடு 86 - 85 என்ற புள்ளிகள் கணக்கில் ராஜஸ்தானை வீழ்த்தி தங்கப் பதக்கம் வென்றது.
துப்பாக்கி சுடுதலில் மகளிருக்கான 50 மீட்டர் ரைபிள் 3 பொசிஷன் பிரிவில் தமிழகத்தின் மெல்வினா ஏஞ்சலின் வெள்ளிப் பதக்கம் வென்றார். ஆடவருக்கான 50மீட்டர் ரைபிள் 3 பொஷிசன் பிரிவில் தமிழகத்தின் ஹித்தேஷ் வெள்ளிப் பதக்கம் கைப்பற்றினார்.
0 கருத்துகள்