கேலோ இந்தியா இளைஞர் விளையாட்டு: வாலிபால் ஆடவர் பிரிவில் தமிழ்நாடு அணிக்கு தங்கப் பதக்கம்

சென்னை: 6-வது கேலோ இந்தியா இளைஞர் விளையாட்டு போட்டிகள் 2023 சென்னை, திருச்சி, மதுரை, கோயம்பத்தூர் ஆகிய 4 மாவட்டங்களில் நடைபெற்று வருகிறது. இதில் இடம் பெற்றுள்ள வாலிபால் போட்டி சென்னை ஜவஹர்லால் நேரு உள் விளையாட்டு அரங்கத்தில் நடைபெற்று வந்தது.

ஆடவருக்கான வாலிபால் போட்டியில் நேற்று நடைபெற்ற 3–வது இடத்துக்கான ஆட்டத்தில் ஆந்திரா, உத்தரபிரதேசம் அணிகள் மோதின. இதில் ஆந்திரா 26–24, 25–20, 25–20 என்ற நேர் செட்டில் வெற்றி பெற்று வெண்கலப் பதக்கம் கைப்பற்றியது. இதைத் தொடர்ந்து நடைபெற்ற இறுதி ஆட்டத்தில் தமிழ்நாடு – ஹரியாணா அணிகள் பலப்பரீட்சை நடத்தின. இதில் தமிழ்நாடு அணி 25-20, 25-23,22-25, 25-15 என்ற செட் கணக்கில் வெற்றி பெற்று தங்கப் பதக்கம் வென்றது.