கோல் பதிவு செய்த விர்ஜில் வான் டைக்: லீக் கோப்பையை வென்ற லிவர்பூல்

லண்டன்: நடப்பு இங்கிலீஷ் ஃபுட்பால் லீக் (EFL) தொடரில் சாம்பியன் பட்டம் வென்றுள்ளது லிவர்பூல் அணி. ஆட்டத்தின் கூடுதல் நிமிடத்தில் கேப்டன் விர்ஜில் வான் டைக் பதிவு செய்த கோல் மூலம் லிவர்பூல் வெற்றி பெற்றது. 1-0 என்ற கணக்கில் இறுதிப் போட்டியில் செல்சீ அணியை வீழ்த்தியது. ஸ்பான்சர்ஷிப் காரணமாக Carabao Cup என தற்போது அறியப்படுகிறது.

92 அணிகள் பங்கேற்று விளையாடிய இந்த சீசனில் பல்வேறு சுற்று ஆட்டங்களுக்கு பிறகு காலிறுதி, அரையிறுதி, இறுதி என போட்டிகள் நடைபெற்றன. இறுதிப் போட்டியில் லிவர்பூல் மற்றும் செல்சீ பலப்பரீட்சை மேற்கொண்டன. லிவர்பூல் அணியின் முன்னணி வீரர்கள் இந்த போட்டியை மிஸ் செய்தது குறிப்பிடத்தக்கது. அதனால் இளம் வீரர்கள் அடங்கிய அணியுடன் லிவர்பூல் விளையாடியது.