இங்கிலாந்து கிரிக்கெட் அணியின் முன்னாள் வீரர் கிரஹாம் தோர்ப் காலமானார்

லண்டன்: இங்கிலாந்து கிரிக்கெட் அணியின் முன்னாள் வீரர் கிரஹாம் தோர்ப் காலமானார். அவருக்கு வயது 55. அவரது மறைவு செய்தியை இங்கிலாந்து கிரிக்கெட் வாரியம் திங்கள்கிழமை அன்று அறிவித்தது.

இடது கை மிடில் ஆர்டர் பேட்ஸ்மேனான அவர், கடந்த 1993 முதல் 2005 வரையில் இங்கிலாந்து அணிக்காக சர்வதேச கிரிக்கெட்டில் விளையாடியவர். 100 டெஸ்ட் போட்டிகளில் விளையாடி 6,744 ரன்கள் எடுத்துள்ளார். 16 சதங்கள் மற்றும் 39 அரை சதங்கள் பதிவு செய்துள்ளார். 82 ஒருநாள் கிரிக்கெட் போட்டிகளில் விளையாடி உள்ளார்.