ஒலிம்பிக் ஹாக்கியில் சாதிக்குமா இந்தியா? - ஜெர்மனியுடன் இன்று அரையிறுதி!

பாரிஸ்: பாரிஸ் ஒலிம்பிக் ஆடவர் ஹாக்கி அரை இறுதி சுற்றில் இந்திய அணி, உலக சாம்பியனான ஜெர்மனியுடன் இன்று பலப்பரீட்சை நடத்துகிறது. இந்த ஆட்டம் இரவு 10.30 மணிக்கு நடைபெறுகிறது.

ஹர்மன்பிரீத் சிங் தலைமையிலான இந்திய அணி லீக் சுற்றில் 2-வது இடம் பிடித்திருந்தது. தொடர்ந்து கால் இறுதி ஆட்டத்தில் உலகத் தரவரிசையில் 2-வது இடம் வகித்த இங்கிலாந்து அணியை பெனால்டி ஷுட் அவுட்டில் வீழ்த்தியது. இதன் மூலம் தொடர்ச்சியாக 2-வது முறையாக இந்திய அணி அரை இறுதி சுற்றில் கால்பதித்தது.