அயர்லாந்துக்கு எதிரான முதல் ஒருநாள் போட்டி: தென் ஆப்பிரிக்கா அசத்தல் வெற்றி

அபுதாபி: அயர்லாந்துக்கு எதிரான முதல் ஒருநாள் கிரிக்கெட் போட்டியில் 139 ரன் வித்தியாசத்தில் வெற்றி பெற்றது தென் ஆப்பிரிக்க அணி.

அபுதாபியில் நேற்று முன்தினம் நடைபெற்ற இந்த ஆட்டத்தில் முதலில் பேட் செய்த தென் ஆப்பிரிக்க அணி 50 ஓவர்களில் 9 விக்கெட்கள் இழப்புக்கு 271 ரன்கள் எடுத்தது. அதிகபட்சமாக ரியான் ரிக்கெல்டன் 102 பந்துகளில், 3 சிக்ஸர்கள், 7 பவுண்டரிகளுடன் 91 ரன்களும் டிரிஸ்டன் ஸ்டப்ஸ் 86 பந்துகளில், 4 சிக்ஸர்கள், 2 பவுண்டரிகளுடன் 79 ரன்களும் சேர்த்தனர். அயர்லாந்து அணி தரப்பில் மார்க் அடேர் 4 விக்கெட்களையும், கிரெய்க் யங் 3 விக்கெட்களையும் கைப்பற்றினர்.