புதுடெல்லி: சிங்கப்பூரில் நடைபெற்ற உலக செஸ் சாம்பியன்ஷிப் போட்டியில் சீனாவின் லிங் லிரெனை வீழ்த்தி சாம்பியன் பட்டம் வென்றார் இந்திய கிராண்ட் மாஸ்டரான 18 வயதான டி.குகேஷ். இதன் மூலம் இளம் வயதில் உலக சாம்பியன் பட்டம் வென்ற முதல் வீரர் என்ற வரலாற்று சாதனையையும் படைத்தார் தமிழகத்தைச் சேர்ந்த குகேஷ். இந்நிலையில் அவருக்கு, உலகின் முதல் நிலை வீரரரும் உலக சாம்பியன்ஷிப்பில் 5 முறை பட்டம் வென்றவருமான நார்வே நாட்டைச் சேர்ந்த பிரபல வீரரான மேக்னஸ் கார்ல்சன் பாராட்டு தெரிவித்துள்ளார்.
இதுதொடர்பாக மேக்னஸ் கார்ல்சன் கூறியதாவது: குகேஷுக்கு இது ஒரு நம்பமுடியாத சாதனை, முதலில் அவர் சென்னையில் நடைபெற்ற ஃபிடே சர்க்யூட் போட்டியில் தேவைக்கு தகுந்தபடி வெற்றி பெற்றார். அதன் பின்னர், கேண்டிடேட்ஸ் போட்டியில் அற்புதமான செயல்திறனை வெளிப்படுத்தினார்.
0 கருத்துகள்