சென்னை சூப்பர் கிங்ஸ் அணியின் கேப்டனாக தோனிக்கு அடுத்து, ரவிந்திர ஜடேஜாவை நியமிக்கலாம். அதற்காக இப்போதிருந்தே அணியை அவரைச் சுற்றிக் கட்டமைக்க வேண்டும் என்று இங்கிலாந்து அணியின் முன்னாள் கேப்டன் மைக்கேல் வான் கருத்து தெரிவித்துள்ளார்.
சிஎஸ்கே அணிக்கு தற்போது கேப்டனாக இருக்கும் தோனி ஏற்கெனவே சர்வதேசப் போட்டிகளில் இருந்து ஓய்வு பெற்றுவிட்டார், 40 வயதாகிவிட்டது. இனிமேல் சிஎஸ்கே அணிக்கு அவரால் எத்தனை சீசன்களுக்கு விளையாட முடியும், கேப்டனாக இருக்க முடியும் என்பது பெரிய கேள்விக்குறி. ஒருவேளை இந்த சீசனோடு லீக் போட்டிகளுக்கும் தோனி முழுக்குப் போடப்போகிறாரா என்பதும் பெரிய எதிர்பார்ப்பாக இருக்கிறது.
0 கருத்துகள்