யூரோ கால்பந்து தொடர் கால் இறுதி சுற்று: சுவிட்சர்லாந்து- ஸ்பெயின் இன்று மோதல்: மற்றொரு ஆட்டத்தில் பெல்ஜியம்- இத்தாலி பலப்பரீட்சை

யூரோ கால்பந்து தொடரில் இன்று இரவு 9.30 மணிக்கு ரஷ்யாவின் செயின்ட் பீட்டர்ஸ்பர்க் நகரில் நடைபெறும் கால் இறுதி ஆட்டத்தில் சுவிட்சர்லாந்து - ஸ்பெயின் அணிகள் மோதுகின்றன.

ஸ்பெயின் அணியானது 2012-ம் ஆண்டு யூரோ உலகக் கோப்பையில் பட்டம் வென்ற பிறகு தற்போதுதான் முதன் முறையாக நாக்-அவுட் சுற்றில் வெற்றி கண்டுள்ளது. அந்த அணி நாக்-அவுட் சுற்றில் குரோஷியாவை 5-3 என்ற கோல் கணக்கில் வீழ்த்தி கால் இறுதிச் சுற்றில் கால் பதித்துள்ளது. தற்போதைய தொடரில் அதிக கோல்கள் அடித்துள்ள அணிகள் பட்டியலில் ஸ்பெயின் 11 கோல்களை அடித்து முதலிடத்தில் உள்ளது.