சென்னை சேப்பாக்கம் மைதானத்தில் இன்று சிஎஸ்கே - டெல்லி கேபிடல்ஸ் அணிகள் மோதல்

சென்னை: ஐபிஎல் டி20 கிரிக்கெட் தொடரில் இன்று இரவு 7.30 மணிக்கு சென்னை சேப்பாக்கம் எம்.ஏ.சிதம்பரம் மைதானத்தில் நடைபெறும் ஆட்டத்தில் சென்னை சூப்பர் கிங்ஸ் (சிஎஸ்கே) அணியுடன் டெல்லி கேபிடல்ஸ் அணி மோதவுள்ளது.

சிஎஸ்கே அணி இதுவரை 11 ஆட்டங்களில் விளையாடி 13 புள்ளிகளுடன் பட்டியலில் 2-வது இடத்தில் உள்ளது. கடைசியாக சிஎஸ்கே அணி, சென்னையில் நடைபெற்ற ஆட்டத்தில் மும்பை இந்தியன்ஸ் அணியை எளிதில் வீழ்த்தி புள்ளிப் பட்டியலில் முன்னேறியது.