சென்னை: சென்னை பல்கலைக்கழக உடற்கல்வி துறை சார்பில் லட்சுமணசாமி முதலியார் பொன்விழா நினைவு தடகளப்போட்டி மேலக்கோட்டையூரில் நடைபெற்று வருகிறது.
இதன் 2-வது நாளான நேற்று மகளிருக்கான 10 ஆயிரம் மீட்டர் ஓட்டத்தில் சென்னை எம்ஓபி வைஷ்ணவா கல்லூரி மாணவியான டி.லதா, பந்தய தூரத்தை 37:42.27 விநாடிகளில் கடந்து 16 வருடங்களுக்கு முன்னர் நிகழ்த்தப்பட்ட சாதனையை முறியடித்து புதிய சாதனையுடன் தங்கப் பதக்கம் வென்றார். எத்திராஜ் மாணவி மித்ரா (38:52.84) 2-வது இடமும், எம்ஓபி வைஷ்ணவா மாணவி கீதாஞ்சலி (40:20.04) 3-வது இடமும் பிடித்தனர்.
0 கருத்துகள்