தோல்வியின் பிடியில் மேற்கு இந்தியத் தீவுகள்

அடிலெய்டு: ஆஸ்திரேலிய அணிக்கு எதிரான முதல் டெஸ்ட் கிரிக்கெட் போட்டியில் மேற்கு இந்தியத் தீவுகள் அணி தோல்வியின் விளிம்பில் உள்ளது.

அடிலெய்டு நகரில் நடைபெற்று வரும் இந்த டெஸ்ட் போட்டியில் மேற்கு இந்தியத் தீவுகள் அணியானது முதல் இன்னிங்ஸில் 62.1 ஓவரில் 188 ரன்களுக்கு அனைத்து விக்கெட்களையும் இழந்தது. அதிகபட்சமாக கிர்க் மெக்கென்சி 50, ஷாமர் ஜோசப் 36 ரன்கள் சேர்த்தனர். ஆஸ்திரேலிய அணி தரப்பில் ஜோஷ் ஹேசில்வுட், பாட் கம்மின்ஸ் ஆகியோர் தலா 4 விக்கெட்களை கைப்பற்றினர். இதையடுத்து பேட் செய்த ஆஸ்திரேலிய அணி முதல் நாள் ஆட்டத்தின் முடிவில் 21 ஓவர்களில் 2 விக்கெட்கள் இழப்புக்கு 59 ரன்கள் எடுத்தது. ஸ்டீவ் ஸ்மித் 12, மார்னஷ் லபுஷேன் 10 ரன்களில் வெளியேறினர்.