ஹாட்ரிக் ரன் அவுட்களால் வெற்றியை தாரைவார்த்த டெல்லி கேப்பிடல்ஸ்: கைகொடுத்த ரோஹித் ஐடியா!

ஐபிஎல் டி 20 கிரிக்கெட் தொடரில் நேற்று டெல்லி அருண் ஜேட்லி மைதானத்தில் நடைபெற்ற ஆட்டத்தில் டெல்லி கேப்பிடல்ஸ் அணியை 12 ரன்கள் வித்தியாசத்தில் வீழ்த்தியது மும்பை இந்தியன்ஸ் அணி. இந்த ஆட்டத்தில் முதலில் பேட் செய்த மும்பை அணி 5 விக்கெட்கள் இழப்புக்கு 205 ரன்கள் குவித்தது.

திலக் வர்மா 33 பநதுகளில், 3 சிக்ஸர்கள், 6 பவுண்டரிகளுடன் 59 ரன்களும், ரியான் ரிக்கெல்டன் 25 பந்துகளில், 2 சிக்ஸர்கள், 5 பவுண்டரிகளுடன் 41 ரன்களும், சூர்யகுமார் யாதவ் 28 பந்துகளில், 2 சிக்ஸர்கள், 5 பவுண்டரிகளுடன் 40 ரன்களும், நமன் திர் 17 பந்துகளில், 2 சிக்ஸர்கள், 3 பவுண்டரிகளுடன் 38 ரன்களும் விளாசினர்.