சென்னை: சென்னை ஓபன் மகளிர் சர்வதேச டென்னிஸ் தொடரின் பிளாட்டினம் ஸ்பான்சராக பஜாஜ் குழுமம் இணைந்துள்ளது. மேலும் வளர்ந்து வரும் டென்னிஸ் நட்சத்திரங்களின் விளையாட்டு திறனை மேம்படுத்தும் வகையில் ‘தி நெக்ஸ்ட் லெவல்’ என்ற திட்டத்தை தமிழ்நாடு டென்னிஸ் சங்கத்துடன் இணைந்து செயல்படுத்த உள்ளது.
இதற்கான அறிவிப்பு நிகழ்ச்சி சென்னையில் நடைபெற்றது. இதில் தமிழ்நாடு டென்னிஸ் சங்க தலைவர் விஜய் அமிர்தராஜ், பஜாஜ் ஃபின்செர்வ்– ன் தலைவர் மற்றும் நிர்வாக இயக்குனர் சஞ்சீவ் பஜாஜ், பிரபல டென்னிஸ் வீராங்கனைகளான குரோஷியாவின் டோனா வெகிக், ஆஸ்திரேலியாவின் கிம்பர்லி பிர்ரெல் உள்ளிட்டோர் கலந்து கொண்டனர்.
0 கருத்துகள்