யூரோ கால்பந்து தொடரில் லீக் சுற்றில் 3-வது இடம் பிடித்த போதிலும் நாக் அவுட் சுற்றில் நுழைந்தது சுவிட்சர்லாந்து

யூரோ கால்பந்து தொடரில் மற்றபிரிவுகளின் ஆட்டங்களின் முடிவால் பந்தை உதைக்காமலேயே சுவிட்சர்லாந்து அணி நாக்-அவுட் சுற்றுக்கு தகுதி பெற்றது.

‘ஏ’ பிரிவில் இடம் பிடித்துள்ள சுவிட்சர்லாந்து அணி தனது கடைசி லீக் ஆட்டத்தில் 3-1 என்ற கோல் கணக்கில் துருக்கியை வீழ்த்தியிருந்தது. இந்த பிரிவில் இத்தாலி 3 ஆட்டங்களிலும் வெற்றிபெற்று நாக் அவுட் சுற்றுக்கு முதல்அணியாக தகுதி பெற்றது. சுவிட்சர்லாந்து, வேல்ஸ் அணிகள் தலா 4 புள்ளிகளை பெற்றன. எனினும் கோல்கள் வித்தியாசத்தின் அடிப்படையில் வேல்ஸ் அணி 2-வது இடத்தை பிடித்து நாக் அவுட் சுற்றில் கால்பதித்தது.