“இப்போதைக்கு அதற்கு வாய்ப்பு இல்லை” - ஓய்வு குறித்து ஜேம்ஸ் ஆண்டர்சன்

லண்டன்: தனது டெஸ்ட் கிரிக்கெட் எதிர்காலம் குறித்து மனம் திறந்து பேசியுள்ளார் இங்கிலாந்து வீரர் ஜேம்ஸ் ஆண்டர்சன். தற்போது இங்கிலாந்து மற்றும் ஆஸ்திரேலிய அணிகள் விளையாடி வரும் ஆஷஸ் தொடரில் அவர் விளையாடி வருகிறார்.

விரைவில் 41-வது வயதை எட்ட உள்ள ஜேம்ஸ் ஆண்டர்சன், அணியில் இடம் பிடிப்பதற்கான சவால் குறித்து தான் அறிவேன் எனத் தெரிவித்துள்ளார். கடந்த 2002-ல் சர்வதேச கிரிக்கெட்டில் அறிமுகமானார். 2003-ம் ஆண்டு முதல் இங்கிலாந்து அணிக்காக டெஸ்ட் கிரிக்கெட்டிலும் விளையாடி வருகிறார். இதுவரை 182 டெஸ்ட் போட்டிகளில் விளையாடி 689 விக்கெட்டுகளை கைப்பறியுள்ளார். டெஸ்ட், ஒருநாள், சர்வதேச டி20 என அனைத்தையும் சேர்த்து 976 விக்கெட்டுகளை வீழ்த்தியுள்ளார்.