ஹாங்சோ: ஆசிய விளையாட்டு போட்டியில் இந்தியா இன்று (வெள்ளிக்கிழமை) துப்பாக்கிச் சுடுதல், டென்னிஸ், ஸ்குவாஷ், தடகளம் ஆகியவற்றில் பதக்கம் வென்றுள்ளது. அதேநேரத்தில் சில முக்கியப் போட்டிகளில் இறுதி, காலிறுதி மற்றும் அரையிறுதிக்கு இந்திய வீரர்கள் தகுதி பெற்றுள்ளனர்.
19-வது ஆசிய விளையாட்டு போட்டி சீனாவின் ஹாங்சோவில் நடைபெற்று வருகிறது. இதில் துப்பாக்கி சுடுதலில் 6 தங்கமும், மகளிர் கிரிக்கெட் மற்றும் குதிரையேற்றத்தில் தலா 1 தங்கம் என 8 தங்கப் பதக்கங்களை இந்தியா வென்றுள்ளது. மொத்தமாக 8 தங்கம், 12 வெள்ளி மற்றும் 13 வெண்கலத்துடன் 33 பதக்கங்களை வென்று பதக்கப் பட்டியலில் 4-வது இடத்தில் உள்ளது.
0 கருத்துகள்