சுற்றுச்சூழல் மாசுபாட்டை குறைக்கும் நோக்கில் உலகெங்கும் மின் வாகனங்கள் புரோமோட் செய்யப்பட்டு வருகின்றன. இந்தியாவில் வெகு விரைவில் சந்தையில் அறிமுகமாக உள்ளது ஓலா நிறுவனத்தின் எலக்ட்ரிக் ஸ்கூட்டர் (இ-ஸ்கூட்டர்). இந்த ஸ்கூட்டருக்கான முன்பதிவும் இப்போது தொடங்கியுள்ளது. இந்நிலையில் இந்த வாகனத்தின் சிறப்பம்சங்கள் என்ன என்பதை பார்ப்போம்.
தமிழ்நாட்டின் கிருஷ்ணகிரி பகுதியில் 500 ஏக்கர் பரப்பளவில் அமைய உள்ள உற்பத்தி கூடத்தில் இருந்து ஆண்டுக்கு 10 மில்லியன் வாகனங்களை உருவாக்க திட்டமிட்டுள்ளது இந்நிறுவனம்.
- மொபைல் அப்ளிகேஷன் மூலமாக இந்த இ-ஸ்கூட்டரை ஆன் மற்றும் ஆப் செய்ய முடியும் என தெரிகிறது. இந்த வாகனத்தில் சாவி இருக்காது என தெரிகிறது.
- எர்கானாமிக் சீட்டிங்குடன் இந்த வாகனம் வெளியாகும் என எதிர்பார்க்கப்படுகிறது.
- 50 சதவிகிதம் சார்ஜ் செய்தாலே 75 கிலோ மீட்டர் வரை இதில் பயணிக்கலாம் என சொல்லப்படுகிறது. இருப்பினும் இது குறித்த அதிகாரப்பூர்வமான தகவல்களை ஓலா இன்னும் அறிவிக்கவில்லை.
- ஒரு முறை சார்ஜ் செய்தால் 150 கிலோ மீட்டர் வரை இதில் பயணிக்கலாம்.
- இதன் முகப்பு விளக்கு LED லைட்டில் மிளிரும் வகையில் இருக்குமாம்.
- ஓலா நிறுவனத்தில் வலைதளத்தில் வாகனத்தை 499 ரூபாய்க்கு முன்பதிவு செய்துள்ளவர்களுக்கு அந்த தொகை வாகனம் டெலிவரி செய்யும் போது திரும்ப கொடுக்கப்படும் என சொல்லப்பட்டுள்ளது.
Source : WWW.PUTHIYATHALAIMURAI.COM
0 கருத்துகள்